غروب الشمس
يا مغيب الشمس جا بعدك شروق
يا المسى تذكار والفجر الأمل
دامه الإيمان يجري بالعروق
ما بقى للياس في قلبي محل
عزتي في من سكن وسط الخفوق
رافع راسي بعلمي والعمل
ماتركت الهم لأحوالي يسوق
ساري بدربي على الله متكل
الحياة كفاح والدنيا طروق
والعلوم سلاح في وجه الجهل
من سلك درب الزلل دايم زلول
ومن سلك درب المعالي قد وصل
من لعب بالنار يبشر بالحروق
ومن يقرب من سبايبها إشتعل
ومن يخاف الله للتوبة سبوق
يلزم الطاعات ويعاف الكسل
الزمن يمضي كماله مع البروق
وما يعود الوقت لام أنه رحل
لو وضعت الكف عالثاني صفوق
الندم ماهو يحل الي حصل